Менавіта размова аб сям’і адбылася 26 красавіка на заводзе ў межах адзінага інфармацыйнага дня з удзелам адказных за ідэалагічную і выхаваўчую работу ў працоўных калектывах прадпрыемства. Дарэчы, такая размова прымеркавана да Дня сям’і, які адзначаецца 15 мая. З лекцыяй перад завадчанамі выступіла сацыяльны педагог аддзялення псіхолага-педагагічнай дапамогі Гомельскага гарадскога цэнтра сацыяльнога абслугоўвання сям’і і дзяцей Алена Юрчанка.
Яна гаварыла аб тым, якой сёння павінна быць сям’я ў нашым грамадстве, што ўплывае на адносіны паміж яе членмі, сямейную згуртаванасць, клопаты аб дабрабыце, духоўнасць і г.д. У ходзе лекцыі былі названы і падрабязна прааналізаваны функцыі сям’і, асабліва падкрэслівалася важная роля ў згуртаванні здаровых сямейных адносін, стварэнні ў доме духоўнай блізкасці, цеплыні бацькі, які павінен прымаць самы актыўны ўдзел у сямейным жыцці, клапаціцца пра дабрабыт сямейнага ачага.
Цікавай на адзіным інфармацыйным дні з’явілася і сустрэча са старшынёй Чыгуначнай раённай арганізацыі г. Гомеля Беларускага таварыства Чырвонага Крыжа Наталляй Вараб’ёвай, якая расказала аб рабоце сваёй арганізацыі. Яна, у прыватнасці, нагадала, што місія таварыства Чырвонага Крыжа – гэта аблягчэнне фізічных, маральных і матэрыяльных пакут людзей, якія аказаліся ў нялёгкіх жыццёвых сітуацыях, аказанне ім неабходнай дапамогі, нягледзячы на іх палітычныя погляды, веравызнанне, а таксама прыцягваць грамадскасць, арганізацыі і прадпрыемствы ўсіх форм уласнасці да ўдзелу ў гэтай высакароднай рабоце, якую праводзіць таварыства Чырвонага Крыжа. Такую работу могуць зрабіць больш дзейснай і мэтанакіраванай грашовыя ахвяраванні грамадзян.
Мікалай ХАМЯНКОЎ, "ГС”.
НА ЗДЫМКАХ: выступае лектар Алена Юрчанка; актывісты ідэалагічнай работы на лекцыі.
Фота Пятра КУЗНЯЦОВА.
|